ನಾವಿಲ್ಲಿಗೆ ಬಂದವರು, ನಿಮ್ಮೊಂದಿಗೆ ಬೆರೆತವರು,
ಸಾಗರದಾಚೆಯ ಕರುನಾಡು ನಮ್ಮ ತವರೂರು.
ಕಾವೇರಿಯು ನೀರುಣಿಸಿದ, ತಾಯಿ ಭುವನೇಶ್ವರಿ
ಹರಿಸಿದ,
ಶ್ರೀ ಗಂಧದ ಗುಡಿ, ಚಿನ್ನದಗಣಿ, ಕಸ್ತೂರಿ ಕಂಪಿನ ನಮ್ಮೂರು.
ಪಂಪ ರನ್ನರ ಕಾವ್ಯ, ಹಂಪಿಯ ವಿಜಯನಗರ,
ದಸರೆಯ ವೈಭವ, ಜೋಗದ ಸಿರಿ ನಯನ ಮನೋಹರ.
ಬೇಲೂರು ಹಳೇಬೀಡಿನ ಶಿಲೆಯೆಲ್ಲವೂ ಕಾವ್ಯ,
ವೀರನಾರಿಯರ, ನಾಡಪ್ರಭುಗಳ ಚರಿತೆಯೆ ಭವ್ಯ.
ಆ ಸಿರಿಯ, ಆ ಕಲೆಯ, ಆ ಚರಿತೆಯ ತಂದಿಹೆವು
ನಿಮ್ಮೊಂದಿಗೆ ಹಂಚಲು, ಉಳಿಸಲು, ಬೆಳೆಸಲು.